(In dialetto siciliano)
Cu pensa ca la nostra è terra di cunfusioni,
sbaglia di grossu e va in contraddizioni.
Ne nantri regna tantu d’unioni
ca tutti scangianu pi perversioni.
‘U poviru, si sapi, ‘unn’havi nenti
ma si fa cridiri grandi pussidenti
e ‘u riccu, pì essiri solidali,
pì puvirtà li ricchizzi fa passari.
‘U babbu, ca lu spertu voli fari,
la piglia dunn’u suli ‘un spunta mai
di lu spertu ca, cu santa vuluntà,
‘nfunnu cafuddra pi solidarietà.
Nni dicinu abusivi criminali
pi li palazzi misi dunni pari,
ma si pi l’antri è ritinutu un mali,
pi nantri chista è libirtà di fari.
‘U sinnacu, ca lu disagiu senti,
fa l’abusivu pi solidariet’ a genti
e cu predica e parla d’onestà ,
arrobba sulu pi solidarietà.
‘No periodu dè votazioni
pi tutti c’è la nostr’approvazioni,
picchì, cu veni veni, è ‘mperativu
parlari di cunzensu collettivu.
Prova ni sìa ca nappim’ammintari,
pi essiri cu tutti solidali,
li largh’intesi, ca na fratellanza,
sunnu assà megliu da Sant’alleanza.
Puru ‘u miscridenti solidali
va ‘no parrinu e si v’ a cunfissari,
ma di cunfusioni nun c’è nenti,
semu sulu solidali cu la genti.
bella e attuale sempre!!!!!!!!!