PATRIMONIU REGIONALI – Poesie di Giuseppa Iacono Baldanza

PATRIMONIU REGIONALI

S’a Sicilia di fama pò vantari

unn’è pi li biddrizzi naturali,

ma pà mafia, pi nenti criminali,

‘cchiuttostu patrimoniu regionali.

Avilla è comu pussidiri

un beni ca nun tutti ponn’ aviri

e pari na cosa dò celu calata

picchì ‘un si sapi mancu quann’è nata.

Certu unn’assimiglia à dea bendata

dunn’’a furtuna ven’arrigalata,

ma è precisa e selezionata

eccomu no?si vulemu allittrata!

E’ ‘na famiglia tanticchia allargata,

e cu cumanna è pirsuna ‘nsignita

di grossi ‘ncarich’istituzionali,

già addistrata a curari l’affari

di cosa nostra, cu ‘mpegnu sulenni

d’amici e cumpari ‘nni l’azzizzari

tutti li liggi ca ponn’allarmari

sia la caserma ca lu tribunali.

Ni stu traccheggiu ‘un c’è nenti di mali

si li benemeriti si dannu da fari

acchè l’illecitu appari normali

ni lu pinseri dè comuni mortali.

Cu nni fa parti, però, hav’a sapiri ca:

è “Omu d’Onuri”e ‘unn’hav’a tradiri.

Si ama ‘a musica, s’a pò scurdari

picchì unn’è ammissu putiri cantari

sirinati d’amuri e mancu sturnelli

ma Requiem eterni e Missi sulenni,

a ricordu perenni dè foraparìa

c’ un chjuri ‘mmucca pi rigalìa.

Iddri sù puru congressuali,

pi conoscenza nni ponnu parlari

e hannu ‘nteressi a fall’appariri

comu ‘na cosa ca ‘un pò scumpariri.

VIRITA’ PI VIRITA’

“La mafia è nostra, anzi, è Cosa nostra”. Stu meritu lo rivendichiamo e guai accù ‘nnutocca!

Doppu avilla analizzata, verificata, testata, l’abbiamo istituzionalizzata promuovendola a prodotto regionale con marchio d’origine controllato, talmente controllato ca “un si movi foglia che mafia non voglia”. Essa rappresenta un unico canale di Welfare sburocratizzato, senza cavilli, va, e dumanni ‘ncarta bullata. Ne godono persino i dissociati, con la “cassa” d’integrazione.

Virità pi virità, già ci pinsà lo “Stato centrale” a organizzare la Regione con uno “Statuto speciale”e con patti territoriali definiti e allargati, accussì allargati ca cosa nostra diventa cosa d’iddri e‘i cosi d’iddri‘unn’appartennu cchiù a cosa nostra.

Nni veni fora un modello di società compartecipata e associata ma dissociata da certi movimenti mestatori ca s’impegnano a fari burdellu e sconzajocu (vedi Libera, Addio pizzo ecc.) la cui intenzionalità è quella di rompere l’omogeneità di questo collettivismo d’impegno sociale.

Il “Format organizzativo”, senza falsa modestia, l’abbiamo ammintato noi e denominata “Cupola”; parola dubitativa ca ti fa veniri ‘nmenti dù cosi: una anatomica, senza bisognu di un accrescitivo aggiuntivo, e l’antra architettonica. Non a caso, ma per dare di noi una rappresentazione al valore intellettivo prima, e una raffigurazione a quella iconoclastica poi. A riprova, basta dari ‘na taljata panoramica pi capiri ca ne nantri cci sunnu cchiù chjesi ca casi. E i chjesi serbinu! Pi una cristiana raccomandazione, certamenti. E’ cu ‘na preghiera giusta ca si pò truvari ‘u pusticeddru; è cu n’adeguata benedizioni ca si fa un buon affare; è il luogo deputato pi ricitari l’urtimu “patrinostru” prima d’ esseri acchiappatu. E così via. Ecco picchì nni’ncazzamu di bruttu quannu, per definizioni straniera, la nostra veni chiamata “organizzazione criminale,” sulu picchì qualchi vota ccì scappa ‘u mortu. Ma chistu succedi anche nelle terre più evolute! Però, quannu ne nantri succedi, speci se si tratta di stragi, il colpevole non scappa, ma per espiare la pena, si ‘nchjiu da se stesso n’casa, in un eremo, o in un covo e, di ddra, nun si smovi si prima ‘un ci vannu i carrabbinera a libirallu. Appena quest’ultimi grapinu ‘a porta, comu prima visioni, si trovanu davanti un tavulinu ca Bibbia aperta e quatri di santi appizzati dunni degghè, compreso Santo Domingo in cartina geografica, circhiatu di russu. Le forze dell’ordine, come da protocollo, dicinu: “Mani in alto”.La risposta è : “Datimi tempu di finiri sta pagina di Vangelo” senza obbligu di verifica pi capiri bbeni si ddra pagina la leggi o la sfoglia. Dopo dicchè, educatamente, si congratula con le forze dell’ordine.

Mi astengo volutamente a finiri questa mia cu ‘na vasata ai miei conterranei ma stu vasa-vasa, purtroppo, nn’ha purtatu sulu guai! “Collusione, collusione” dicinu i soliti testi malati.

“Collisione, collisione – rispunnemu nantri amorevolmente- per effetto del vasa –vasa.