di Giuseppa Iacono Baldanza
MUNNU HA STATU E MUNNU E’
‘U principi di Lampidusa l’ha dittu
ca nantri semu un populu perfettu
e da vita avemu picca di ‘mparari
picchì sapemu chiddru c’ham’ a fari.
‘Nni piaci lassari i cosi comu stannu,
‘u cangia e scangia diventa un malannu,
e cu s’azzarda a n’ arrisbigliari:
‘u lassamu ‘n tridici e nni jemu a curcari.
Di seculi nni veni tramannatu:
– “ ‘U picca vasta, lassà è attruvatu;
‘u tintu è pruvatu, ‘u bonu è a pruvari”
propriu pi cchistu un putemu cangiari.
Si qualchidunu voli cumannari,
cu “non scialans” lu lassamu fari
picchì semu di cori accussì granni
ca mancu ‘nni ‘nteressanu i programmi.
Cu pensa di cangiari ‘u nostru fari,
si piglia sulu ‘mmuccunati amari
e si Garibaldi unnì viniva a libirari
i borboni in eternu putivanu ristari.
MONDO E’STATO E MONDO E’
Il principe di Lampedusa l’ha detto:
noi siamo un popolo perfetto
e dalla vita abbiamo poco da imparare,
perché sappiamo già quel che si deve fare.
Ci piace lasciare le cose immutate,
i cambiamenti diventano dei malanni
e chi si azzarda a volerci svegliare
non gli diamo ascolto e ci andiamo a coricare.
Da secoli ci viene tramandato che:
il poco basta, il molto è trovato.
Il cattivo è stato provato, il buono non ancora.
In base a ciò non possiamo cambiare.
Se qualcuno vuole comandare
disinteressati lo lasciamo fare,
perché siamo di gran cuore
e i programmi non ci interessano.
Chi pensa di cambiare il nostro modo di fare
resta tristemente deluso
e se Garibaldi non fosse venuto a liberarci
i Borboni potevano regnare in eterno.
